მასშტაბური ხანძარი ლოს-ანჯელესში

ლოს-ანჯელესის ჩრდილო -აღმოსავლეთ ნაწილში  ხანძარი მძვინვარებს, რომელსაც ქალაქის მერმა ისტორიაში ყველაზე მასშტაბური უწოდა.  ხანძარმა  2000 ჰა ფერდობი უკვე შეეწირა და  დასახლებულ პუნქტებამდეც მიაღწია.  ასობით ადამიანის ევაკუაცია უკვე განხორციელდა,   რომელთა  რაოდენობამ 700-ს გადააჭარბა. აქედან  დაახლოებით 550 მათგანი ბურბანკისა და გლენდელის რაიონებიდან არის.   ხანძრის მიზეზებთან დაკავშირებით   სხვადასხვა ვერსია სახელდება, რომელთაგან ყველაზე გავრცელებული  დაუდევრობაა.