ერაყში განხორციელებულ ტერაქტზე პასუხისმგებლობა ტერორისტულმა ორგანიზაცია „ისლამურმა სახელმწიფომ“ აიღო – ინფორმაციას დასავლური მედია ავრცელებს. ქვეყნის ჩრდილოეთით, ბასრას პროვინციაში ერთ-ერთ მთავარ მაგისტრალზე ორმა თვითმკვლელმა ტერორისტმა თავი აიფეთქა, რის შედეგადაც ბოლო ინფორმაციით 12 ადამიანი გარდაიცვალა, მათ შორის, ორი ერაყელი ჯარისკაცი. ერაყის შინაგან საქმეთა სამინისტრის ინფორმაციით, ტერაქტის დროს 40-ზე მეტი ადამიანი დაშავდა. შიიტი მუსლიმებით დასახლებული, ნავთობით ერთ-ერთი ყველაზე მდიდარი მხარე, ბასრას პროვინცია, დაეშის, იგივე თვითგამოცხადებული „ისლამური სახელმწიფოს“ სამიზნე არაერთხელ გამხდარა.
ბასრას აფეთქებამდე რამდენიმე დღით ადრე, დაეშის მიერ განხორციელებულ ტერაქტს ბაღდადში 19 ადამიანის სიცოცხლე ემსხვერპლა.
